Игралиштето во населбата Баби, кое подолго време е запуштено и не се користи, ќе биде понудено под закуп. Советот на Општина Штип ја одобри оваа одлука, со образложение дека вака објектот конечно ќе може да се стави во функција. Според законските одредби за располагање со државен и општински имот, идниот закупец би требало месечно да плаќа околу 11 илјади денари.
„Бидејќи игралиштето во Баби веќе долго време стои неискористено, проценивме дека најсоодветно е да се издаде под закуп. Неговата вкупна проценета вредност е 2.185.820 денари, а 0,5% од таа сума, согласно законот, е почетната месечна закупнина — 10.929 денари,“ појаснува Шорова–Ангелова.
Општината, пак, ќе го задолжи закупецот да вложи во одредени активности со цел игралиштето да биде функционално и безбедно. Станува збор за уредување, редовно одржување и целосно користење на просторот.
„Новиот закупувач ќе треба да постави свежа вештачка трева, нови голови со мрежи, да го огради теренот, да ги реконструира самиот терен и соблекувалните, да обезбеди паркинг и да се грижи за хигиената и безбедноста на просторот што му се доверува,“ дополнува Шорова–Ангелова.
Покрај ова игралиште, Советот донесе одлука под закуп да се издаде и Дино паркот во Штип.
