Министерот за транспорт и врски Благој Бочварски денеска го потпиша договорот за изградба на насипната брана со придружни објекти „Отиња” во Штип.
Инвестиционата вредност на проектот е 306 милиони денари, a средствата се обезбедени од Буџетот на Министерството за транспорт и врски.
Рокот предвиден за изведба согласно договорите е 30 месеци. Со овој проект е предвидено да се изведе камено земјена брана со централно глинено јадро со висина од 33 метри.
-Посебно сум горд на овој проект, бидејки со децении и децении беше најавуван, но денеска официјално ја означуваме неговата реализација. Би сакал да потенцирам дека, претходно и како градоначалник на општина Штип, со тимот од општината, со државните институции, професори, инженери и проектанти, вложивме огромен труд и работа за овој проект да биде реална инвестиција. Денеска, Министерството за транспорт и врски ги потпиша договорите за изведба и надзор, изјави Бочварски и потенцира дека со овој проект, се создаваат и нови можности за развој на регионот.
