Градоначалникот на Град Скопје, Петре Шилегов илустративно покажа колку ќе чини Брзиот Автобуски Транспорт. Тој во објавата на Фејсбук вели дека постои разлика кога правите нешто за себе и кога правите нешто за сите.
„Нашата заложба зад БРТ проектот е да воведеме нов сообраќаен систем од кој сите наши сограѓани ќе имаат секојдневна корист, почнувајќи од времето кое ќе го заштедат патувајќи, до позитивниот ефект кој овие две линии ќе го имаат за намалување на загадувањето во градот“, напиша Шилегов.
Но, како што истакна најважно од сѐ – со овој проект е да покажеме колку многу може да се постигне доколку имате желба и решителност да постапувате исправно и за доброто на сите околу вас.
„Само за споредба, целиот БРТ проект за кој веруваме дека ќе направи вистинска разлика за Скопје и сите негови жители, чини само една десетина од таканаречениот проект Скопје 2014“, вели шилегов.
