Факултетот за медицински науки при Универзитетот „Гоце Делчев“-Штип во сабота го одржа 14. симпозиум за дентална медицина.
Доктор Киро Папакоча вели дека на денешниот симпозиум имаше предавачи од земјата и странство, а студентите беа активно вклучени во реализацијата на симпозиумот, кој има за цел да ги едуцира идните доктори по стоматологија.
Алекса Марковиќ додава дека студентите имаа можност да слушнат повеќе и за новитети на различни теми од нивната област.
-Јас сум презадоволен од бројот на млади колеги кои се овде да слушнат новини, бидејќи едукацијата е многу важна. На ваков начин може да се види каде сме, а мислам дека сме исти со Европа, вели Марковиќ.
Според универзитетските професори и стоматолози радува фактот што голем број млади денеска беа дел од настанот за понатамошна едукација и надоградување на нивното знаење. Според проценките на организаторите на денешниот научен симпозиум присуствуваа околу 300 предавачи, стоматолози и студенти.
