Крушево: Салата за театар и кино од денес достапна и за лицата со хендикеп, обезбеден гасеничар

Мултифункционалната сала во Крушево доби гасеничар со што се овозможува лицата со хендикеп да пристапат кон салата за театар и кино, како и до сите содржини во младинскиот културен центар.

Со оваа алатка ќе се овозможи салата како и сите други простории да им бидат достапни и на лицата со хендикеп , вели градоначалникот на Крушево, Томе Христоски.

„Ја даваме целината на проектот со набавката на овој гасеничар. Со оваа алатка овозможуваме пристап за секој до салата за театар и кино, како и до сите други простории и содржини кои ќе бидат создадени по реконструкцијата на горната училишна зграда. Соработката со УНДП резултира со вакви проекти кои се навистина инклузивни“, изјави Христоски.

Претседателот на Советот на општина Крушево Тома Петроски исто така изрази големо Задоволство за набавката на гасеничарот изрази и претседателот на Советот на општината, Тома Петровски посебно поради фактот што и самиот совет е вклучен во реализацијата на вакви инклузивни проекти.

„Проектот „Зајакнување на општинските совети“ во Крушево го продолжуваме со набавка и инсталација на оваа алатка која ќе овозможи инклузивност, односно непречен пристап на сите групи на граѓани во просторот каде што ќе се одржуваат театарски претстави и кино сала. Со оглед на фактот дека просторијата за советниците, која ќе биде опремена со опрема за пренесување на седниците во живо, е на погорниот кат во оваа зграда обезбедуваме и пристап за хендикепирани лица и претставници на здруженија на лица со посебни потреби. Чест ми е, а верувам и на сите советници, што сме дел од овој проект“, изјави претседателот на Советот на општина Крушево Тома Петроски.

Набавката на гасеничар е во рамки на Проектот „Зајакнување на општинските совети“, вреден 3,4 милиони швајцарски франци, финансиран од Швајцарската агенција за развој и соработка и истиот е имплементиран од Програмата за развој на Обединетите нации (УНДП) во партнерство со Министерството за локална самоуправа, Министерството зa финансии, Заедницата на единиците на локалната самоуправа, Здружение на финансиски работници и UN Women.