Во извештајот на Министерството за животна средина и просторно планирање се истакнуваат активностите на општината Струмица за санкционирање на загадувачите на амбиенталниот воздух. Струмица е една од деветте македонски општини која пратила извештај според обврските од Акцискиот план со краткорочни мерки за чист воздух за период 10-14 февруари 2025 година 9 општини.
-Во овој период, Општина Струмица спроведе вонредни инспекциски надзори на 8 физички лица и 8 правни субјекти), при што на 4 физички лица им е изречена глоба, на 4 физички лица им е дадена писмена опомена со едукација, на 6 правни субјекти им е издадено решение (за мерења, да се предаде отпадно масло кое е складирано,) а кај 2 не се констатирани неправилности, соопштува Министерството.
Општината секојдневно информира за санкционирани загадувачи. Само во еден ден, на 14 февруари беа фатени и санкционирани тројца, кои согорувале кабел за да ја извадат жицата. На сите тројца им се изречени санкции, соопштија од општината.
„Две физички лица се затекнати на државно земјиште како согоруваат отпад од електрични кабли заради екстракција на бакарот кој го содржат, и за двете физички лица согласно Законот за управување со отпадот член 37 став (4) ќе биде покрената прекршочна постапка со изрекување на глоба од 250 евра. Од страна на комуналните инспектори при вршење на вонредни надзори е затекнато физичко лице кое согорува отпад од електрични кабли заради екстракција на бакарот кој го содржат, од страна на инспекторите ќе биде поведена прекршочна постапка со изрекување на казна од 50 евра согласно Законот за комунални дејности член 42-а, стои во информацијата.
Општината Струмица најави дека во периодот кој следува вонредните надзори кои се спроведуваат од страна на инспекциската служба.
Фото: Здрава котлина
