Општина Струмица преку Одделението за заштита на животната средина и Одделението за инспекциски работи, излезе со серија мерки согласно барањата на организацијата Здрава Котлина.
Во делот на постапувањето, како што соопшти Општината, во Програмата за заштита на животната средина за тековната 2025 година планирани се повеќе активности, за кои се почнати постапки на јавна набавка и проекти кои веќе се работат согласно добиените проекти од различни институции:
– Изработка на зелен катастар – јавна набавка;
– Воспоставување на локална мрежа за мерење на воздух на шест локации за почеток – јавна набавка;
– Субвенционирање на купување на велосипеди и заштитна опрема на граѓаните на Општина Струмица тековно секоја година;
– Субвенции за цената на гасот за домаќинствата и приклучок на домаќинствата на гасот;
– Мерење и лабораториски анализи од стручни установи за потребите на Инспекциите – јавна набавка;
– Катастар на загадувачи во изработка краен рок е до месец јуни – ќе биде достапен на веб страница на Општина Струмица;
– План за квалитет на воздухот во изработка на УНДП и Центар за климатски промени во завршна фаза и ќе биде доставен на јавен увид 30 дена за забелешки.
Во серијата мерки од Општината се предвидува сите Б интегрирани барања и дозволи се достапни во Одделението за заштита на животната средина со контакт телефон 075-395-914 на раководителот на Одделение, Томислав Андреев. За А интегрирани дозволи е одговорно Министерството за заштита на животната средина и просторно планирање. Регистрите за Б интегрирани дозволи се законска обврска и Одделението ги има и на веб страницата на општина Струмица;
– Во наредните три месеци ЈПКД „Комуналец“ Струмица во соработка со Општина Струмица во текот на пет дена во секој месец ќе подига кабаст отпад, отпад од градежен шут на физички лица и отпад од земјоделски површини бесплатно со пријава на телефонски број даден од страна на ЈПКД Комуналец Струмица;
– Ќе се разгледа идејата за формирање на Сектор за заштита на животната средина, секако дека има потреба бидејќи обемот на работа е зголемен и ингеренциите на животната средина се зголемени, а и енергетската ефикасност е исто во областа на животната средина.
– Дрон ќе биде активиран и ќе се изврши повеќекратно снимање на територијата на општина Струмица во различни временски интервали.
– Со донесувањето на новиот ГУП се планира изградба на нов парк на површина од 40.000 квадратни мерки во населбата Касарна – средства обезбедени преку ЕУ и дел УНДП и сопствено учество на Општина Струмица.
– Засади дрво го подржуваме и преку ЈПКД „Комуналец“ Струмица – програма за зеленило ќе се набавува континуирано големи садници на дрва и ќе се засадуват
– Ограничување на раст и системска стимулација за преселба на постоечки Г1 индустриски капацитети од општина Струмица на минимално растојание од 5 км од населено место. Ова со донесувањето на новиот ГУП треба да се реализира.
