Оплеменувањето на урбаните јавни површини и овозможувањето на интересни и рекреативни содржини за нашите сограѓани отсекогаш било дел стратегија за трансформирање на Скопје во современ и урбан град.
„На десетина локации во сенките на градските паркови Град Скопје постави нови маси за пинг-понг, шах и табла кои ќе бидат на располагање на локалното население, како и на случајните минувачи за кои оваа урбана рекреација може да биде уште еден убав и здрав начин за пополнување на слободното време“, напиша Шилегов на неговиот Фејсбук профил.
