„Оро весело“ се виеше во Општина Конче, деца од цела Македонија на Меѓународниот детски фолклорен фестивал

Оро весело се виеше изминатиот викенд во Општина Конче. Главни актери беа најмалите, децата кои во ритамот на прекрасниот фолклор презентиран од многу Фолклорни Групи од повеќе градови и села од Македонија, ги претставија своите вештини и своите весели насмевки на жителите на Општина Конче.

„Иако подиумот беше мал, желбата и љубовта кон фолклорот беше преголема, да се претстави тоа што се знае,“ изјави градоначалникот на Општина Конче, Златко Ристов.

Во саботата во Радовиш, во неделата во Конче се одржа дваесет и вториот по ред Меѓународен детски фолклорен фестивал „ОРО ВЕСЕЛО“ во организација на Фолклорниот ансамбл „Бучим“.

Свој настап имаа  гости од Република Бугарија како и учесниците од : Скопје, Гевгелија, Неготино, Оризари, Кочани и Струмица.