Во рамките на штипското јавно претпријатие “Стипион 2011“, деновиве почна со работа „Пајак-служба“.
Тој нов сектор ќе врши преместување и отстранување на непрописно паркираните возила, по налог на комунален инспектор ќе отстранува возила од зелени површини и ќе дислоцира хаварисани возила. Службата има задача и да се грижи за регулирањето на сообраќајот во градот, да помага при расчистувањето на сообраќајниците и да овозможува полесен и побрз проток на сообраќајот.
Секторот почнува со работа со едно „пајак“ возило.
