Ракометарите на Куманово го совладаа Металург Јуниор

Полека, но сигурно составот на Машкиот ракометен клуб Куманово се подготвува за стартот на новата сезона која започнува кон крајот на месецот.

Викендов во Спортската сала Куманово го одиграа вториот контролен натпревар, овој пат против составот на Металург Јуниор. Мечот заврши со победа за домашниот состав и тоа со резултат 26:24. Првото полувреме подобра беше гостинската екипа и тоа за еден поен, односно резултат 12-13. Ракометарите на Куманово сепак покажаа повеќе во вториот дел од средбата што ги доведе до триумф.

Во порелаксирана атмосфера и со пријателски дух помина целиот натпревар кој е само вовед во претстојната ракометна машка лига која започнува кон крајот на месецов.

Претходно тимот на Куманово го совлада и РК Рудар од Пробиштип.

Leave a Reply

Your email address will not be published. Required fields are marked *